Сэтинньи – сахаҕа уонна «Айар» кыһаҕа Байанай ыйа!

    

Сэтинньи 1 күнүттэн 27 күнүгэр диэри «Айар» кыһа бары маҕаһыыннарыгар кинигэ бырааһынньыга, бэртээхэй чэпчэтиилэр уонна сүүйүүлээх оонньуулар ыытыллыахтара. Бу ый устата ааҕыы алыптаах эйгэтигэр киирэргэ, бэйэҕэр уонна чугас дьоҥҥор үтүө бэлэҕи оҥорорго тоҕоостоох кэм.

Кыттыы быраабылата олус судургу. «Айар» маҕаһыыннарыгар 1500 солкуобайтан үөһэ атыылаһыыга «Киис» жетон ылан иһэҕит (3000 солк. –  2 жетон, 4500 солк. – 3 жетон). Кууһунан атыылаһааччылар 10 000 солкуобайтан үөһэ атыыластахтарына эмиэ жетон хомуйаллар. 

Хас биирдии жетон – 100 солкуобай чэпчэтии эбэтэр оонньууга кыттыы! Оттон икки жетоннаах киһи чэпчэтиини ылыан эбэтэр оонньууга кыттыан сөп. Бэйэҕит быһаараҕыт! Ый устата «кииһи» хайдах ылабыт уонна туһанабыт?

• 2026 сылга тахсыбыт саҥа кинигэлэргэ 100 солкуобайдаах чэпчэтиини ылыахха сөп.

• «Кинигэ остуола» аахсыйаҕа остуолтан 7 ханнык баҕарар кинигэни талан ылаҕыт уонна 1500 солкуобайы эрэ төлүүгүт.

• «Айар» таҥаһыгар 30% чэпчэтии. Ону таһынан эбии 100 солкуобайынан чэпчэтэн, сахалыы тыыннаах, хаачыстыбалаах таҥаһы атыылаһыҥ.

• «Дьикти кинигэ». Кыраһыабай ойуулаах сууга кистэммит кинигэни 1 жетоҥҥар атастаһан эбии чэпчэтиини ыл.

• «Сүүйүүлээх оонньууга» кыттыы. Киискитин лототроҥҥа уган оонньууга кыттыаххытын сөп.

Ону таһынан ый устата муспут «киис» жетоннаргытынан сэтинньи 27 күнүгэр, «Айар» кууһунан атыы киинигэр (Дьокуускай куорат, Покровскай тракт 7 км, 6/1 дьиэ) ыытыллар улахан бырааһынньыкка уонна сүүйүүлээх оонньууга кыттаҕыт. Улуустарга баар «Айар» маҕаһыыннарыттан хомуйбут жетоннаргыт эмиэ сүүйүүгэ кытталлар. Уонна ким баҕалаах кэлэн, бэйэтин тургутан оонньууларга оонньоон эбии бириис эбэтэр чэпчэтии ылыан сөп:

• «Күөгүһүт» – кыһыҥҥы балыкка «күөгүлээһин» (көрүҥүнэн имитация).

• Корнхол «Ойбон» – «ойбоҥҥо» мөһөөччүгү быраҕыы.

• «Сымсатык сыҕарыт» – остуол оонньуутугар ким түргэнник фишка хомуйуута.

• Дартс «Кыыл булда» – сытыы харах, бэргэн туттуу.

Оттон оонньуу кыайыылаахтарын бу күн 18:00 чааска «Айар» ВКонтакте бөлөҕөр буолар быһа эпииргэ быһаарыахпыт. Доҕор тэрилтэлэрбит туруорбут бириистэрэ оонньонуохтара:

• «Ночная охота» маҕаһыынтан;

• «Фортуна» бэргэһэ маҕаһыыныттан сэртипикээт;

• «Унты здесь» маҕаһыынтан сылаас атах таҥаһыгар сэртипикээт;

• «Сардаана» фабрикаттан сахалыы таҥаска сэртипикээт;

• «Беневита» сынньалаҥ кииниттэн сэртипикээт;

• «Успех+» автооскуолаттан үөрэххэ сэртипикээт;

• Уонна «Айар» бэйэтин анал бириистэрэ!

Саха норуотун сырдыкка, билиигэ сирдээбит «Айар» кинигэ кыһата 100 сыллаах үбүлүөйүн үөрүүтүн биһигини кытта бииргэ үллэстиҥ! Кэлиҥ, ааҕыҥ, сэргэхсийиҥ! Байанай ыйа эһиэхэ дьолу тосхойдун! Сиһилии балаһыанньаҕа көрүҥ. 

---