ӨРӨСПҮҮБҮЛҮКЭТЭЭҔИ ЛИТЕРАТУРНАЙ КУОНКУРУС САЛҔАНАР

С.А. Новгородов аатынан «Айар» национальнай кыһа Улуу Кыайыы 80, Арассыыйаҕа Аҕа дойдуну, Саха сиригэр Ийэ дойдуну көмүскээччи уонна саха суругунан уус-уран литературатын 125 сылларыгар аналлаах прозаҕа өрөспүүбүлүкэтээҕи литературнай куонкуруска үлэлэри салгыы хомуйар.

 

Куонкурус соруга:

– Ийэ дойдуларын көмүскээччилэр хорсун быһыыларын киэҥ эйгэҕэ билиһиннэрии, уус-уран айымньы көмөтүнэн үйэтитии;

– үүнэр көлүөнэ Аҕа дойду улуу сэриитин уонна анал байыаннай дьайыы кыттыылаахтарыгар ытыктабыллаахтык сыһыаннаһарын уонна киэн туттарын ситиһии;

– ыччаты төрөөбүт дойдуга тапталга, патриотизм тыыныгар иитии;

– айар, суруйар дьоҕурдаах дьону айымньылаах үлэҕэ көҕүлээһин;

– саха литературатын саҥа айымньынан байытыы, сахалыы ааҕыыга көҕүтүү;

Кыттыы ирдэбилэ:

Куонкуруска сахалыы суруллубут уус-уран кэпсээннэр, сэһэннэр ылыллаллар. Куонкуруска кыттаргыт туһунан сайаапканы уонна айымньыгытын ыйыллыбыт болдьоххо “Литературнай куонкуруска” диэн бэлиэтээһиннээх элэктэриэн  аадырыска ыытаҕыт book@ayar.ru

– Хас биирдии ааптар айымньытын (сэһэн буоллаҕына – биири, кэпсээн буоллаҕына – үскэ диэри) ыытар.

– Куонкуруска киирэр үлэ ханна да бэчээттэммэтэх уонна атын куонкуруска кытта илик буолуохтаах.

– Куонкурус балаһыанньатыгар сөп түбэспэт, эппиэттээбэт үлэ көрүллүбэт.

– Куонкурус кыттааччыта кини тус дааннайдарын туттарга, айымньыта кумааҕы эбэтэр элэктэриэн кинигэ көрүҥүнэн тарҕанарыгар, иһитиннэрэр-көрдөрөр тиһиктэргэ таһаарарга көҥүл биэрэр.

– Куонкуруска сокуоннай саастарын сиппит Россия гражданнара кытталлар.

Ыытыллар кэмэ:

Сайаапка уонна үлэ “Литературнай куонкуруска” диэн бэлиэтээһиннээх book@ayar.ru элэктэриэн аадырыска 2025 с. алтынньы 25 күнүгэр диэри ылыллар.

Дьүүллүүр сүбэ айымньылары 2025 с.  алтынньы 25 күнүттэн сэтинньи 25 күнүгэр диэри көрөр.

Куонкурус түмүгэ “Айар” кыһа социальнай ситимнэригэр тахсар.

Куонкуруска кыттыыга сайаапка

1. Кыттааччы аата-суола:

2. Төрөөбүт сыла-күнэ:

3. Олорор сирэ (улуус, нэһилиэк):

4. Төлөпүөнэ:

5. Айымньы аата:

6. Куонкурус кыттааччыта тус докумуоннарын билиһиннэрэргэ  сөбүлэһэр:

7. Ыыппыт күнэ-дьыла:

---