«АЙАРГА БИБЛИОТҮҮН»

Күндү ааҕааччыларбыт, кинигэни таптааччылар! «Айар» кинигэ кыһата эһигини «Библиотүүн» тэрээһиҥҥэ ыҥырар! Бу тэрээһин Арассыыйа үрдүнэн сылын аайы буолар «БИБЛИОНОЧЬ» тэрээһин чэрчитинэн ыытыллар.

Буолар күнэ: МУУС УСТАР 17 КҮНЭ.

Бириэмэтэ: 14:00-19:00 ч.

Миэстэтэ: БИЧИК+ маҕаһыын, Курашов уул. 24 дь.

Биһиги ыалдьыттарбыт:

14:00 - 14:30 | Вера Петровна Лиханова

«Лиханова» ферма салайааччыта. Саха сирин отоннорун сублимациялааһын, пастила оҥоһуута, ону тэҥэ таба уонна сылгы этиттэн туһалаах, амтаннаах снек-астарын туһунан сэргэх кэпсээн.

14:30 - 15:00 | Светлана Ивановна Слепцова

Варвара Семенова үөрэнээччитэ, 3 сыл устата сахалыы тар оҥоһуутунан дьарыктанар. Кини сиэнэ Саха национальнай гимназиятын 5-с кылааһын үөрэнээччитэ Айыллаана Слепцова, эбээтин үлэтин кытары билиһиннэриэҕэ.

15:00 - 16:30 | Розалия Иннокентьевна Бравина

Арассыыйа биллэр этнограба, археолог, чинчийээччи, устуоруйа билимин дуоктара, бэрэпиэссэр. «Түүл сахалыы тылдьыта» — түүлү тойоннооһун, түүл дириҥ ис хоһоонун туһунан сэдэх кэпсэтии.

17:00 - 19:00 | Саяна Галсанова

Бурят аһын абылаҥа! Буузаны хайдах минньигэстик астыыры, тупсаҕайдык илиигэ иҥэрэр кистэлэҥнэрин кытары билсиһиэхпит. «Кухни народов России» кинигэни кытары алтыһыы.

Бу тэрээһин олус интэриэһинэй, туһалаах буолара эргиччи биллэр! Кэлиҥ, билсиҥ, саҥаны арыйыҥ!

Бириэмэни бэлиэтэниҥ, көрсүөххэ диэри!