Кутталлаах түбэлтэлэри кэпсэтэргин сөбүлүүгүн дуо?
Киэҥ нэлэмэн Сахабыт сирэ ситэ чинчийиллибэтэх муннуга өссө да элбэх, дьон эҥин араас дьиктини, наука кыайан быһаарбатах көстүүлэрин түбэһэ көрөрө баар суол. «Кистэлэҥнээх Саха сирэ» кинигэттэн чучунаа, сүллүүкүн, сибиэн, онтон да атын амырыын күтүрдэр, дьулаан көстүүлэр уонна таайыллыбатах дьикти сирдэр тустарынан билиэҕиҥ. Ону сэргэ киһи этин сааһын арыйар үһүйээннэри, номохтору уонна дьиҥ олоххо буолбут түбэлтэлэри ааҕыаҕын. Бу таһаарыы эйиэхэ таайыллыбатах эйгэ быыһын сэгэтиэ.