Бу сарсыарда биһиги үлэбитин-хамнаспытын билсэ Москва, Татарстан тыл үөрэхтээхтэрэ кэлэн ыалдьыттаан бардылар.
Этносоциологиянан, социолингвистиканан дьарыктанар наука доктордара саха тылынан тахсар бырайыактарбытын чуолаан билистилэр. Оскуолалары, библиотекалары кытта үлэбитин тоһоҕолоон ыйыттылар. Учебниктарбытын, тылдьыттарбытын, электроннай кинигэлэрбитин сэҥээрдилэр.
Төрүт тыл, ааҕыы, кинигэ бэчээттээһинин, издательство үлэтин уопсай боппуруостарын, ыарахаттарын, ситиһиилэрин тула кэпсэтии барда.
Төрүт тылы үйэтитэр сыаллаах үлэлиир-хамныыр кэскиллээҕин уонна түһалааҕын өссө төгүл бигэргэттибит.