Сайдам-сайаҕас санаалаах сахам киһитэ!

Хайыы-үйэ 27 сыл ааһа охсубут - Төрөөбүт тыл уонна сурук-бичик күнүн үрдүк үөрүүлээхтик бэлиэтиирбит, истиҥник өрөгөйдүүрбүт. Хас биирдиибитигэр дириҥ суолталаах олунньу 13 күнэ, самныбат саргылаах саха дьоно буоларбытынан, сүргэбитин көтөҕөр, санаабытын кынаттыыр. Ийэ тылбыт барахсан эрэлэ-үктэлэ, энчирээбэт тирэҕэ - эн, саха киһитэ, буолаҕын! Кини биһиги сирэйбит, кини биһиги сайдыыбыт, бүгүҥҥүбүт-сарсыҥҥыбыт, кэскилбит-саргыбыт! Бу күн бэйэ-бэйэбитигэр баҕарыа этибит - өрүү ийэ тылбытын үөрэтиэх, өрөгөйүн өссө үрдэтиэх! Оччотугар сүдү күүһэ, уҕараабат дьулуура үйэлэргэ уостубакка-бараммакка үүнэ-сайда туруо, төлкөтө кэскиллэниэ турдаҕа!

Төрөөбүт тыл уонна сурук-бичик күнүнэн!