burger
Поиск

"Бичик" национальнай кыһа сүрүннүүр эрэдээктэрин Марина Гаврильевна Макееваны төрөөбүт күнүнэн эҕэрдэлиибит!

23 декабря 2020
"Бичик" национальнай кыһа сүрүннүүр эрэдээктэрин Марина Гаврильевна Макееваны төрөөбүт күнүнэн эҕэрдэлиибит!

Марина Гаврильевна, олоҕуҥ ортоку омурҕанын бэлиэтиир кэрэ-бэлиэ түгэҥҥинэн, үлэҕэр үрдүк дуоһунаска анаммыккынан бииргэ үлэлиир кэллиэгэлэриҥ, кэлэктиибиҥ аатыттан үөрэн-астынан тураммыт, истиҥ эҕэрдэбитин этэбит.
Эн саха чулуу өбүгэлэрэ тиийэн олохсуйан, сыа Бүлүү, Бүтэй Бүлүү өҥ бултаах сирдэригэр, ааттыын I Күүлэт (кириэппэс) нэһилиэгэр төрөөбүтүҥ. Ол да иһин, төрүттэргин утумнаан, түргэнник-тарҕаннык туттунар, тобуллаҕастык толкуйдуур, куруук саталлаахтык кэпсэтэр үлэҕэр-хамнаскар олус наадалаах хаачыстыбалааххын.
ИПКРО-ҕа үлэлээбит уопуккар тирэҕирэн, Үөрэх уонна оҕо кинигэтин салайан, тахсыылаахтык үлэлээн, үөһэттэн уларыйа турар ирдэбиллэргэ сөп түбэһиннэрэн, суһаллык хамсанан үлэни тэрийэн, үөрэх кинигэлэрэ федеральнай перечеҥҥэ киирэллэрин, өрөспүүбүлүкэ оскуолаларын кытта ыкса үлэлэһэри ситистиҥ. Кэккэ үөрэх кинигэтэ Аан дойдутааҕы, дойду куонкурустарыгар, о.д.а. бэлиэтэнэрин, бастыҥнар истэригэр киирэригэр улахан оруоллааххын. Олох сайдар хамсааһынын, үп-харчы эргиирэ уларыйыытын табатык сылыктаан, кэмигэр уруттаан уларыта тутан, хамсык, кириисис содулун кэмигэр тэрилтэ туруктаах буоларыгар бэйэҥ дьоһун кылааккын киллэрдиҥ.
Билиҥҥи балысхан сайдыы, саҥа уларыйыылар киирэ турар кэмнэригэр эппиэттээх дуоһунаска ситиһиилээхтик, тахсыылаахтык үлэлиэххэр эрэлбит улахан. Күндү киһибит, этэҥҥэ чэгиэн-чэбдик сырыт, кыайыылаах-хотуулаах буол. Тус олоххор дьолу-соргуну, үтүмэн үөрүүнү, уйгуну-быйаҥы баҕарабыт.

Другие новости
Айар – үрүҥ түүннэрэ
Төрөөбүт күҥҥүнэн
В Казахстане вышла первая книга о Якутии