«Үрүҥ хаар алгыһынан» норуоттар икки ардыларынааҕы алтыс төгүлүн ыытыллар поэзия түһүлгэтэ Дьокуускай куоракка буола турар. 
Быйылгы бэстибээлгэ Казахстантан, Кыргызстантан, Хакасияттан, Карелияттан, Калугаттан, Татарстантан, Башкирияттан, Москваттан поэттар, суруйааччылар кэллилэр.
Ол иһигэр Казахстантан Саят Камшыгер биһиэхэ кэлэн ыалдьыттаан, кэпсэтэн ипсэтэн, санаа үллэстэн барда. 
Саят Камшыгер – поэт, тылбаасчыт, суруналыыс, Казахстан суруйааччыларын Сойууһун чилиэнэ. Алматы “Алтын Сака» издательствотын сүрүн редактора. 
“Желтый цветок”, “Течения в сердце” уонна да атын хомуурунньуктар ааптардара. 
Биһиги издательствобыт таһаарбыт оҕоҕо анаммыт кинигэлэрин уонна наҕараада ылбыт, ааҕааччылар болҕомтолорун тарпыт “Исповедь исчезнувших” Нина Дьячковская айымньытын сөбүлээн казахтыы тылга тылбаастыахха сөп эбит диэн этии киллэрдэ. 
Бырааттыы норуоттар буоларбытын, бэйэ-бэйэбитигэр күүс-көмө буоулохпутун сөбүн тоһоҕолоон эттэ. 
Онон сотору кэминэн биһиги айымньыларбытын казах норуота таптаан ааҕыа диэни эрэнэбит.