"Айар" кинигэ кыһатын партнерун санаата.
18 мая 2022
Попова Татьяна Егоровна, урбаанньыт. Айар кинигэ кыһатын биир тутаах партнера, Чурапчы улууһугар кинигэ тарҕатар.
Хаһааҥҥыттан Айар кинигэ кыһатын кытта улэлэһэгит?
2002 сыллаахтан ыкса үлэлээн барбытым. ЕСКЭ-ҕа, ОГЭ-ҕа саҥа кинигэ наада буолбутуттан саҕалаан атыылаабыт эбиппин уонна урукку "Бичик", билигин "Айар" таһаарыылара саҥа сайдан, бэйэлэрэ араас интэриэһинэй кинигэлэри таһааран саҕалаабыттара. Сыл аайы саҥа кинигэ тахсар буолан, баччааҥҥа диэри улэлээн кэллим.
Тоҕо ала-чуо "Айар" буолла? Кинигэ атыылыыр тэрилтэ Арассыыйаҕа элбэх дии.
Айар кэлэктиибэ сүрдээх тэрээһиннээхтик, айымньылаахтык, нэһилиэнньэ кинигэ ааҕарыгар, чахчы, болҕомтолоохтук кыһаллан туран айар -тутар, бииргэ үлэлииргэ үчүгэй баҕайы менеджер кыргыттар, тириэрэдэр-тиксэрэр уолаттар улэлииллэр. Кинигэ атыыга барарыгар бүтүн кэлэктиип кыһаллан үлэлиир. Киһи сөҕөр араас тэрээһиннэрин тэрийэн соһуталлар. Кинигэ ылбыккын билбэккэ да хаалаҕын. Өссө үгэскэ кубулуйбут бары контрагеннарын ыҥыран сыл түмүгүнэн көрсүһүүлэри тэрийэн бэйэ-бэйэбитин да учугэйдик билсэбит. Ханнык кинигэлэри ордук дьон сэргиирин ырытыһабыт, уопут атастаһабыт.Дьоҥҥо-сэргэҕэ баҕа санааҕыт?
"Айардарга" ба5а санаам диэн, дьон кинигэни ааҕан эрэллэрэ билиннэ, өссө да саҥа кинигэлэр оҕолорго, эдэр ыччакка иитэр -салайар, олох туһунан , булт , дьон сэҥээрэр иискэ-ууска элбэх маастар-кылаастардаах кинигэлэрин таһаара туралларыгар баҕарабын. Оттон бар дьоммор дойдубут сайдарын туһугар элбэхтик үлэлээҥ-хамнааҥ, кинигэтэ ааҕыҥ, үүнүҥ- сайдыҥ диэм этэ. Кинигэ тарҕатыы саамай кэскиллээх, экологиялыы, интэриэһинэй дьарык буолар. Урбаанньыттар эрэ буолбакка, хас биирдии киһи: эдэр буоллун, эмэн буоллун - кинигэнэн дьарыктанан, эбии дохуот киллэриэн сөп. Онон барыгытын "Айары" кытта үлэлэһэргитигэр ыҥырабын!
Ыам ыйын 31 күнүгэр диэри "Айар" кинигэ кыһатыгар саҥа кэлбит партнердарга тута 15% чэпчэтии бэриллэр.
Республика, улуустар бары муннуктарыттан кинигэнэн дьарыктаныан баҕалаахтары ыҥырабыт.
Билсэр төлөпүөҥҥүт 89142780870 (бассаап баар)
Контакты
Мы в социальных сетях
