Норуот кыаҕа - көмүөл күүһэ

Кинигэҕэ сүрүннээн үйэ кирбиитигэр Саха сирин норуоттарын дьылҕата быһаарыллар былдьаһыктаах кэмигэр омук, өрөспүүбүлүкэ интэриэһин турууласпыт норуот батыҥнарын туһунан сырдатыллар. Ааҕааччы болҕомтотун Ульяна Винокурова, Мандар Уус, Иван Шамаев, Василий Дарбасов, Тумарча курдук биллэр-көстөр чулуу дьоммут билиҥҥи бириэмэ тыын боппуруостарыар, тыа сирин кыһалҕаларыгар, саха омук кэскилигэр бэйэлэрин санааларын үллэстиилэрэ тардыаҕа, айылҕаттан айдарыылаах Куома Чааскын, Эдьиий Дора, Күн Куйаарыма тустарынан суруйуулар сэҥээрдиэхтэрэ. Ааптар «төрөөбүт дойду», «норуот» диэн ытык өйдөбүллэр биирдии түөлбэттэн, көннөрү дьонтон саҕаланан, төрүттэнэн үөскүүллэрин өссө төгүл арыйан көрдөрөргө холонор.
Кинигэ ааҕааччы киэҥ араҥатыгар ананар.