Саха норуодунай поэта Семен Данилов айымньыларын бэһис томугар Саха сирин, Арассыыйа, атын да биллэр омук суруйааччыларыныын литература сытыы боппуруостарын таарыйар суруйсуута уонна поэт бэйэтин суруктара талыллан киирдилэр.
Бу суруктарга кини – киһи киһитэ уонна эрэллээх доҕор, нарын дууһалаах поэт, күүстээх уопсастыбаннай диэйэтэл, киэҥ эйгэлээх, дириҥ хорутуулаах литература үлэтин тэрийээччи –төрөөбүт норуотугар муҥура суох бэриниилээх сүдү личность быһыытынан ааҕааччыга аһыллар.