Трофимовна-Хотун Урууһа. Төлкөм миэнэ ... Часть 3

«…эмтии олордоҕуна, муустааҕар даҕаны тыбыс-тымныы киһитиҥи моһуоннаах эттик баҕарбатахтыы өсөһө-өсөһө сыыйылла тардыстан киһиттэн тахсан кэлэр...» «…хам тута сатыы-сатыы, дьиэ истиэнэтигэр сабаан, хара күүһүнэн Антонина этигэр-сиинигэр курдаттыы киирэ сатыыр…»
«…кини илиитин дьикти сылааһа тымырдарым устун тарҕанна, илиим, атаҕым тарбахтарыгар тиийэ билиннэ, оттон ытыһын уурбут сирдэринэн этим-сииним уратытык дьырылаан барда…» «кыыһым киниэхэ эмтэнэн баран УЗИ-га түспүт, искэнэ ханан да суох буолан хаалбыт» «…Ньыыкан оҕонньор:
«Биир дьээбэ оҕо кэлэн иһэн кыайан кэлбэккэ аараттан төнүннэ. Кыайдаҕына-хоттоҕуна бар дьонун абырыыр, туһалаах киһи тахсыа» «Кини киһи ыарыытын ис түгэх биричиинэтин булан, ону бэйэтин ураты ньыматынан эмтиир эбит. Итинник ураты эмчити үйэлээх сааспар көрө илигим. Оннооҕор оҕо сылдьан ылбыт травмабын уот харахха этэн соһутта…» «…кыыспыт реанимацияҕа өйө суох алта ый сыппыта. Онтон кэлин тиһэҕэр “мэйиитэ өллө” диэн быраас тар аккаастаммыттара… эмтээбитэ үһүс күнүгэр оҕобут уһуктан, сибэкки курдук тыллан барбыта…»
Бу барыта ытык ыйаахтаах, айылҕаттан айдарыылаах, ураты дьоҕурдаах эмчит Антонина Трофимовна Саввинова-Хотун Урууһа туһунан кэрэхсэбиллээх, сэргэх, истиҥ-иһирэх махталынан суруллубут ахтыылар. Ытык киһиэхэ эмтэнэн үтүөрбүт, чөллөрүгэр түспүт дьон сөҕө-махтайа, үйэ тухары махтана, олохторугар илэ-чахчы буолбут дьикти-дьиибэ, ардыгар көннөрү киһи итэҕэйбэт, ылыммат даҕаны түгэннэрин тиһэн суруйуулара ааҕааччы болҕомтотун тардыаҕа, айылҕа таайыллыбат кистэлэҥин сэгэтэн, дьиктиураты көстүүтүн кытта алтыһыннарыаҕа. Ааҕааччы киэҥ араҥатыгар ананар.