Төлкөм миэнэ (2 чааһа)

Саввинова А.Т.
Описание

Киһи санаатын, дьылҕатын өтө билэр, ааспыты, билиҥҥини, кэлэри ситимнээн бүтэйдии көрөр дьикти дьоҕурдаах, айылҕа ыытар сырдык күүһүнэн ыраахтан да эмтиир сатабыллаах – бу норуот эмчитэ Антонина Трофимовна Саввинова.
Айымньы сүрүн геройа Антонина тапталлаах ийэтин сүтэрэн, оҕо сааһыттан тулаайах хаалан, дьон хаҕыс, тоҥуй сыһыанын билэн, оҕолуу ыраас, күүстээх санаатынан салайтаран, дириҥ толкуйунан тобулан, киэҥ-холку майгытынан олох очурдарын этэҥҥэ туораан, өбүгэтиттэн утумнаабыт сүдү күүһүн көмөтүнэн өлөр өлүүттэн өрүһүнэн, дьиҥ уустук олоҕо уус-ураннык ойууланар.
Айыылартан анаммыт эмчит буолар айылгытынан тулалыыр эйгэтигэр сырдыгынан сыдьаайан, үтүөнү үксэтэр, үгүс дьоҥҥо инникигэ эрэли саҕан, айгыраабыт туруктарын чөлүгэр түһэрэн, олоххо иккистээн эргитэр сүдү дьолу бэлэхтиир.