Антологияҕа үйэҕэ чугаһыыр кэм устата, араас сылларга ырыа айан хаалларбыт уонна күн бүгүн айымньылаахтык айа-тута сылдьар мелодистар, композитордар норуокка биһирэммит, киэҥник биллибит, уостан түспэккэ ылламмыт 500-тэн тахса ырыалара таҥыллан киирдилэр. 247 ырыа айааччы хаартыскатын сэргэ олоҕун, айар үлэтин туһунан тэттик суруйуулар, хас биирдии ырыа тыллара уонна нуоталара бэрилиннилэр.