Нөрүөн нөргүй буолуохтун! (5 том)

Саха тылын үөрэҕэр ааттары үөрэтиини төрүттээбит М.С. Иванов-Багдарыын Сүлбэ «Талыллыбыт үлэлэрин» бу бэһис томугар публицистикаҕа үлэлэриттэн «Олох долгуна», «Нөрүөн нөргүй буолуохтун!», «Ааспат-арахпат сырҕан баас», «Сомоҕолоһуу туһунан: ыстатыйалар» киирдилэр. Сэбиэскэй кэм устатыгар барбыт репрессивнэй политика саха үтүөтүн кыргыбыта, киһи куһаҕан өттө (хобуоччулар, сирэй көрбөхтөр, карьеристар) бастыҥ аатырбыта, онон дьон өйө-санаата, быһыыта-майгыта алдьаммыта көрдөрүллэр. Манна ааптар докумуоннарга, архыып матырыйаалларыгар, араас кэмнээх ахтыыларга олоҕуран суруйуулара түмүллүбүт. «Сомоҕолоһуу туһунан: ыстатыйалар» диэн үлэтигэр ааптар тоталитарнай систематтан аккаастанарга, олоҕу демократия ыллыгар киллэрэргэ ыҥырар 1990—1998 сыллардааҕы суруйуулара киирдилэр.
Кинигэ ааҕааччы киэҥ араҥатыгар ананар.