Саха народнай поэта Моисей Ефимов айымньыларын бастакы томугар араас сылларга тахсыбыт хомуурунньуктарыттан талыллыбыт хоһоонноро уонна поэмалара киирдилэр.
Поэт иитиллибит Ийэ сиргэ төлөннөөх тапталы, төрөөн-үөскээн улааппыт сирин-уотун — Дьааҥытын айылҕатын дьикти-кэрэ, эгэлгэ көстүүлэрин, Хоту дойду тулуурдаах үлэһит дьонун-сэргэтин, норуоттар доҕордоһууларын, кэрэҕэ умсугуйар нарын таптал иэйиитин уустаан-ураннаан хоһуйар.