Алыптаах азбука

Оҕоҥ кылгас кэмҥэ алпаабыты, сыыппараны билиэн, лабырҕаччы ааҕыан, суоттуон баҕараҕын дуо? Оскуолаҕа киирэригэр бэлэм, саастыылаахтарын кытта тэҥ билиилээх буоларыгар кыһаллаҕын?
Оччоҕо магниттаах дуоскалаах, буукубалардаах, сыыппаралардаах, остуоруйа дьоруойдардаах «Бичик» кинигэ кыһата таһаарбыт «Алыптаах азбуката» эһиэхэ күүс-көмө, үтүө сүбэһит буолуо.
• Оҕону буукубаны билэригэр, тылы сүһүөҕүнэн арааран ааҕарыгар үөрэтэр.
• Ахсаан, суот эйгэтигэр бастакы хардыылары оҥороругар олук уурар.
• Дьарык оҕо болҕомтотун тардар уонна дьаныарын күүһүрдэр.
• Маны таһынан, дьыл кэмин билэргэ, остуоруйаны айарга, кэпсииргэ туһуламмыт хартыыналар уонна магниттаах дьоруойдар көмөлөрүнэн оҕо толкуйдуур, кэтээн көрөр, кэпсиир уонна өйүгэр тутар дьоҕурун сайыннарар.
• Азбука туттарга олус табыгастаах, үйэлээх, судургу.
Үс соругу тэҥинэн – ааҕарга, суоттуурга, кэпсииргэ – уһуйар «Алыптаах азбуканан» уһуйаан иитиллээччилэрин уонна алын кылаас үөрэнээччилэрин дьарыктыыр олус интэриэһинэй.